Pa kaskë dhe hipur në motor në rrugët e Parisit përpara Operës, ky është rikthimi i Tom Cruise në xhirimet e filmit “Mission Impossible 6”. Aktori siç e ka zakon nuk ka dëshiruar ndihmën e një dublanti për të xhiruar edhe skenat më të “rrezikshme”.
Fansat e tij në Francë mundën ta admironin nga afër. Filmi i Christopher McQuarrie do të mbërrijë në sallat e kinemasë në 27 korrik 2018 dhe ka në kast edhe aktorët Simon Pegg, Jeremy Renner dhe Rebecca Ferguson.
Duket se filmi parashikon sekuenca të jashtëzakonshme dhe që Tom, që luan rolin e agjentit Ethan Hunt, po përgatitet prej më shumë se një viti të jetë në formë fizike shumë të mirë.
