Një sulm i dyshuar terrorist ka tronditur mbrëmjen e sotme kryeqytetin e Austrisë, Vjenë. Shtatë persona dyshohet se janë vrarë dhe disa janë plagosur pas një sulmi me armë dhe bombë afër sheshit Schwedenplatz.
Policia vjeneze ka tashmë një kronologji paraprake të ngjarjes që tronditi qytetin: Të shtënat filluan në orën 20:00 nga Seitenstettengasse. Sipas të dhënave duhet të ketë të paktën gjashtë skena të ndryshme krimi. Deri tani janë konfirmuar disa viktima, sipas medieve të paktën shtatë, përfshirë një oficer policie. Policia gjithashtu konfirmoi se një nga autorët u qëllua për vdekje.
https://twitter.com/FarukFirat1987/status/1323374420967215104?ref_src=twsrc%5Etfw%7Ctwcamp%5Etweetembed%7Ctwterm%5E1323374420967215104%7Ctwgr%5Eshare_3&ref_url=https%3A%2F%2Fwww.balkanweb.com%2Fsulmi-ne-vjene-policia-ndalon-disa-te-dyshuar-ja-momenti-kur-mbahen-gjysme-te-zhveshur-me-duart-lart-video%2F
Ndërkohë në “Twitter” janë publikuar imazhe dhe video nga ajo që po ndodh në Vjenë. Në një prej tyre dyshohet se policia ka zhveshur disa të dyshuar që ndodhen me duart lart.
Presidenti francez Emannuel Macron ka shprehur tronditjen e tij lidhur me ngjarjen dhe me anë të një postim në profilin e tij zyrtar, ai shprehet se pas Francës po sulmohet një vend mik. Ai shton se armiqtë e Europës duhet ta dinë me kë kanë të bëjnë dhe se nuk do të dorëzohen.
“Ne francezët ndajmë tronditjen dhe pikëllimin e popullit austriak të goditur këtë mbrëmje nga një sulm në zemër të kryeqytetit të tyre, Vjenë. Pas Frances, sulmohet një vend mik. Kjo është Evropa jonë. Armiqtë tanë duhet të dinë me kë kanë të bëjnë. Ne nuk do të dorëzohemi”, shkruan Macron.
Ministri i Brendshëm Karl Nehammer në deklaratën e tij për media u bëri thirrje qytetarëve mos të dalin nga shtëpitë.
“Autorët përdorën armë të rënda. Ata që janë në shtëpi duhet të qëndrojnë në shtëpi. Ata që janë në një pub duhet të qëndrojnë atje. Ju lutemi shmangni qendrën e qytetit”, tha ministri, ndërsa nuk donte të konfirmonte situatën e pengut.
