Një 17-vjeçare nga Gjilani është detyruar nga partneri i saj të kryejë marrëdhënie seksuale me shokët e tij.
Mediat shkruajnë se vajza pak ditë më parë do të martohej me dikë të cilin nuk e donte dhe kështu, kishte vendosur të largohej nga shtëpia me të dashurin e saj, më 23 shkurt.
Të shqetësuar prindërit denoncuan rastin në polici dhe vajza u kthye por kthimi ishte gjëja më e vështirë që kishte përjetuar ndonjëherë.
Sipas dëshmisë së adolëshentes, i dashuri e kishte detyruar të kryente marrëdhënie me shokët e tij dhe gjatë gjithë kohës ishte keqtrajtuar prej tyre.
Katër persona kanë abuzuar me të renë, ndërsa 3 prej tyre janë arrestuar. Hetimet vijojnë deri në zbardhjen e plotë të ngjarjes pas dhënies së dëshmive të të akuzuarve.
Rastet e përdhunimeve, abuzimeve apo keqtrajtimeve të femrave sa vjen e po rriten në numër dhe fenomeni po bëhet mjaft shqetësues në vendin tonë.
