Tenori i njohur shqiptar, Saimir Pirgu tashmë ka rrëmbyer zemrat e të gjithë! Ai ka qenë i vetmi muzikant i cili ka marrë pjesë në eventin amerikan, ku ndodhej pranë vajzës së të madhit Luciano Pavarotti.
Ai ka arritur të jetë një tenor i shkëlqyer dhe me famë botërore. Saimiri ka qenë së fundmi i ftuar në ceremoninë madhështore në Hall of Fame, Hollywood ku u nderua legjenda Luciano Pavarotti me “Yllin e tij”.
Në këtë ceremoni e ftuar ishte edhe vajza e Pavarotit, Christina Pavarotti, e cila u shfaq duke pozuar krah tenorit shqiptar si shoqërues i saj në një event gala.
“Të përulem me adhurim përjetë, Mjeshtër!”, – shkruan Pirgu në postimin e tij në Instagram. “Këtë ditë gushti bota dëgjoi zërin e Zotit!”
Kjo mbetet padyshim një arritje për tenorin shqiptar, se nuk ndodh shpesh të jesh i vetmi profesionist i ftuar për të nderuar idhullin tënd e të milionave fansave në gjithë botën!
Më herët, prestigjiozja “Corriere Della Sera” i ka dedikuar një artikull tenorit me famë botërore tanimë, Saimir Pirgut, teksa fliste për rrugëtimin e tij nga Shqipëria në teatrot më të mëdha të botës. Gati-gati si një formë rrëfimi, por shpesh edhe me citime nga Pirgu, ne mësuam plot të reja rreth tij dhe kalvarit të vështirë për të mbërritur deri aty ku është sot.
Saimir Pirgu ishte 22 vjeç kur Claudio Abbadoi e thirri që të merrte pjesë në audiconet e Ferrara. “Në mes të natës më ndërpreu e më tha: “Mirë, djali do vijë të këndojë me mua.
Kështu roli i Ferrandos në “Così fan tutte” u bë i tiji. Një shqiptar në rolin e një shqiptari. Sot Saimir Pirgu është një nga tenorët më të kërkuar në botë. Ai është me origjinë nga Elbasani, një qytet pranë qendrës së Shqipërisë. Saimiri ka lindur në një vend të varfër, me një familje gjithashtu të varfër, shkruan “Corriere Della Sera”.
