Ende pa kaluar një javë nga rasti tronditës në Kosovë, një tjetër ngjarje e rëndë është raportuar për dy të rinj shqiptar.
I riu Qamil Taja ka vrarë me armë zjarri partneren e tij 19-vjeçare, gjithashtu shqiptare, dhe më pas ka telefonuar autoritetet dhe ka deklaruar krimin e rëndë.
Mediat greke shkruajnë i riu ishte xheloz patologjikisht për partneren e tij 19-vjeçare.
Çifti banonte në një hyrje në lagjen Kaminia të Pireut. Pikërisht brenda banesës së tyre u gjet edhe trupi i viktimës.
Profili i tij në rrjete sociale është i mbushur me këngë dhe postime të trishta.
“Ti kurrë nuk je jashtë mendjes sime, çdo gjë e imja të përket ty. Ti kurrë nuk ike, tek unë ke ekzistuar. Vendi i parë do të jesh gjithmonë ti”, shkruhet në një prej postimeve të tij në Facebook.
Sipas policisë greke, autori qëlloi mbi viktimën disa herë me pistoletë, plumbat e së cilës e kapën 19-vjeçaren në kokë dhe gjoks.
Policia theksoi se ai ushtronte dhunë psikologjike dhe fizike ndaj viktimës. Çifti banonte në një hyrje në lagjen Kaminia të Pireut. Pikërisht brenda banesës së tyre u gjet edhe trupi i viktimës.
Nga ana tjetër fotot e viktimës janë bërë publike, ndërsa në një prej postimeve të saj në rrjete sociale shkruhej “Pavarësisht se sa shumë të lëndojnë ata përreth teje, sigurohu që të mos ta vjedhin buzëqeshjen”.
