Vajza e George Floyd, nëna e saj dhe ekipi i tyre po përgatiten të bëjnë luftë ligjore kundër Kanye West. Ata njoftuan se do ta padisin reperin për 250 milionë dollarë pas komenteve të tij të fundit për vdekjen e Floyd.
Roxie Washington, nëna e vajzës së vetme të Floyd, Gianna, njoftoi të martën se ka punësuar një ekip avokatësh për të ndjekur Ye, partnerët e tij të biznesit dhe bashkëpunëtorët e tij për ngacmim, shpërdorim, shpifje dhe shkaktim të shqetësimit emocional.
Avokatët e familjes thonë gjithashtu se ata lëshuan një letër pushimi dhe ndalimi, të cilën e ka publikuar TMZ, drejtuar Kanye për komentet e tij në lidhje me ndërveprimin fatal të Floyd me policinë e Minneapolis.
Në letër thuhet, pjesërisht se: “Shkaku i vdekjes së zotit Floyd është i mirëpërcaktuar nëpërmjet provave të paraqitura në gjykata gjatë gjykimeve penale dhe civile që ishin rezultat i vdekjes së tij të parakohshme dhe të tmerrshme. Megjithatë, ju keni bërë deklarata me qëllim të keq se janë të pasakta dhe të pabaza, duke shkaktuar dëme në pasurinë e zotit Floyd dhe familjen e tij.”
Avokati Lee Merritt ku shkruante dy ditë më parë se familja e të ndjerit “po shqyrton një padi për deklaratat e rreme të Kanye në lidhje me mënyrën e vdekjes së tij”.
“Të pretendosh se Floyd vdiq nga fentanili dhe jo brutaliteti i krijuar kriminalisht dhe civilisht minon dhe pakëson luftën e familjes Floyd”, shkroi avokati. 46 vjeçari vdiq nga asfiksia në maj të vitit 2020 kur oficeri i policisë së Minneapolis, Derek Chauvin vendosi gjurin në qafën e tij për disa minuta.
Ndërsa polici u dënua për vrasje të shkallës së dytë, reperi pretendoi se Floyd vdiq nga një mbidozë me fentanil. “Ata e goditën me fentanil”, pretendoi fituesi i Grammy-t, i cili dha një fond kolegji për vajzën e Floyd në vitin 2020. “Nëse shikoni, gjuri i policit nuk ishte as në qafën e tij.”
