Edhe një lajm tjetër vjen nga deputetët e opozitës që kanë vendosur djegien e mandateve. Listës së deputetëve të PD-së i është shtuar edhe kryetarja e LSI-së, Monika Kryemadhi e cila pak minuta më parë ka firmosur dokumentin e dorëheqjes nga mandati.
Ky vendim është marrë menjëherë pas vendimit të deputeteve të Partisë Demokratike.
Ky vendim i Kryemadhit ashtu siç edhe është paralajmëruar nga mbledhja e LSI-së është pasuar edhe nga deputetë të tjerë të LSI-së, ku përjashtim bën vetëm një.
Bëhet fjalë për Lefter Kokën, i cili nuk ka pranuar të djegë mandatin e tij dhe këtë vendim e ka bërë të njohur që në momentin që është prezantuar me këtë propozim.Koka është i vetmi deputet deri më tani që ka vendosur nga radhët e opozitës që mos të bëhet palë.
