Nëse kaloni në zonën e “21 Dhjetorit”, saktësisht në rrugën “Isuf Elezi” do të shikoni se njërit prej pallateve të ndërtuar në kohën e Enver Hoxhës i është shtuar një pikturë.
Piktura murale është krijuar vetëm brenda një dite nga artisti Franko, i cili u bë i njohur 2 vite më parë për veprën e tij të famshme, të dy vogëlushëve të veshur me flamurin shqiptar dhe atë kosovar, të përqafuar me njëri-tjetrin.
Grafiti i përfunduar ditën e sotme nuk është i rastësisht në këtë datë. Nëse kthehemi pas në histori, më 2 gusht të 1944-s u ekzekutuan tragjikisht 2897 burra, gra dhe fëmijë Rom në kampet e përqendrimit gjatë Luftës së Dytë Botërore.
Dhe cili është mesazhi i pikturës?
“16 Maji simbolizon revolucionin dhe motivimin që gjeneratat e reja të flasin dhe të veprojnë kundër padrejtësive. Në nder të përpjekjeve dhe sakrificës së viktimave të djeshme, ne prezantojmë sot të parën iniciativë, të paraqesim 16 Majin si simbol të rezistencës Rome ndaj regjimit nazist. Kjo iniciativë konsiston në shpalosjen e një muraleje në një prej fasadave të kryeqytetit, që synon të përkujtojë viktimat e këtij gjenocidi”, shkruhet në deklaratën e Shoqatës Roma Versitas Albania.
Burimi: Iconstyle.al
