Kryeqytetit do t’i shtohet së shpejti parku i dytë më i madh i lojërave, në të cilin do të mund të çlodhen të gjithë banorët e Tiranës.
Pjesa jugore e Parkut të Madh po kthehet në një shesh rekreativ të gjelbëruar e çlodhës.
Kjo hapësirë do të ketë gjithashtu një kënd lodrash për të vegjlit, por edhe sipërfaqe të gjelbra për të krijuar vende çlodhëse për çdokënd që do të shëtitë buzë shëtitores së re.
Puna për gjelbërimin e kësaj zone ka nisur edhe më herët, ndërsa tani është përqendruar te rrugicat përreth sheshit.
“Hapësira do jetë një stacion i bukur lodrash e rekreacioni, gjelbërimi e çlodhjeje buzë shëtitores së re e pistave të reja të vrapimit e pedalimit, si zgjidhje edhe për gjithë banorët e Liqenit të Thatë e Saukut”, sqaron Agjencia e Parqeve dhe Rekreacionit.
Sheshi i ri Rekreativ do të jetë këndi i dytë më i madh i lodrave në Tiranë pas atij në pjesën e Amfiteatrit.
