Bebe Rexha ka pak ditë që ka publikuar këngën e saj më të re në bashkëpunim me Snoop Dogg.
“Satellite” titullohet kënga e artistes shqiptare me reperin legjendar e cila shoqërohet me një video animacion, në të cilën ata shfaqen duke fluturuar në hapësirë pasi kanë tymosur disa gjethe marihuane.
“Mbrëmë u ngjita më lart se sateliti / Mora një biletë me një drejtim / Është një mision me një njeri në parajsë”, këndohet në referenin e kësaj kënge nga Bebe Rexha.
Kur erdhi koha për të xhiruar klipin, Snoop u shfaq në disa sekonda duke tymosur marihuanë bashkë me Bebe Rexhën. Këtë moment nuk e ka pritur fare mirë babai i artistes.
“Babai im më thirri dhe më tha: ‘Çfarë po bën? Pse po tymos në një video të publikuar në internet? A je e çmendur?’
“Unë thashë: ‘Babi, është Snoop Dogg. Nëse do të tymos me dikë, ai duhet të jetë Snoop Dogg’,-tha Bebe.
Kënga “Satellite” është pjesë e albumit të ri të Bebe Rexhës, titulluar “Bebe”, i cili do të publikohet i plotë më 28 prill.
