Rikthimi i sotëm i studentëve në protestë rezultoi të ishte disi revoltues dhe i dhunshëm pasi disa prej pjesëmarrësve, hodhën tymuese dhe gurë ndaj godinës së Ministrisë së Arsimit.
Pasi thyen edhe xhamat e institucionit, profesoresha e Studimeve Kulturore në Universitetin Georgia Southern në SHBA, Lory E., Amy, ka ndërhyrë menjëherë.
Sipas “Top Channel” ajo u kërkoi studentëve t’i japin fund protestës së dhunshme, pasi kjo nuk është forma e duhur për të protestuar për arsimin.
“Si mund të jeni kaq budallenj. Kjo është një godinë për arsimim. Nuk është kjo mënyra se si protestohet për edukim”, dëgjohet ajo t’u thotë në anglisht studentëve.
Lory E., Amy ka marrë pjesë edhe në protestat e disa muajve më parë të studentëve, por sot me sa duket nuk ishte dakord me formën e protestës.
Studentët kanë paraqitur sot një listë me 5 kërkesa dhe kërkojnë përmbushjen e plotë të tyre:
1-Rrëzimi i ligjit të Arsimit të Lartë
2-Arsim cilësor për gjithë të rinjtë duke mundësuar mbështetjen financiare në të dyja ciklet e studimit.
3-Rankim i programeve sipas modeleve më të mira bashkëkohore
4-Rritja e peshës së përfaqësimit në Institucionet e Arsimit të Lartë
5-Autonomi reale e IAL dhe jo e diktuar nga bordet qeveritare.
