Pak ditë më parë, këngëtarja Enca Haxhia tha se ëndrra e saj u bë realitet: të zhvillonte koncert për shqiptarët që jetojnë në Shtetet e Bashkuara të Amerikës. Por edhe ka shumë pak kohë që ndodhet në New York, këngëtaren e ka marë malli për Shqipërinë, madje nuk ndalet t’i krahasojë dy shtetet.
“Ndoshta e dua shumë New York-un sepse më kujton Tiranën?” – shkruan këngëtarja në videon e publikuar në “Instagram”.
Mirëpo këngëtaja nuk është ndaluar me kaq, teksa ka vijuar me postimet ku shfaq dashurinë e saj për Tiranën. Këngëtarja thekson edhe se mund të zhvendoset në Amerikë në një të ardhme të afërt.
“Do thoni ju si ka mundësi që në mes të New York-ut të të mungojë Shqipëria? Epo mundet. Unë i adhuroj udhëtimet dhe po lë një pjesë të zemrës në New York, por pjesa tjetër është në shtëpi. Nuk ka ndërtesa të larta, taksi dhe Gucci në Tiranë por për mua është parajsa në tokë dhe kushdo që jeton në Shqipëri duhet ta vlerësojë realisht. Mos me keqkuptoni, New York është fantastik dhe me shumë mundësi mund të zhvendosem në një të ardhme të afërt por siç thashë më kujton Tiranën. Por në zemrën time Tirana do të jetë gjithmonë e para. Jam shumë e sigurtë se kushdo që udhëton shumë e di çfarë do të thotë.” – shkruan Enca.
