Dimri është zyrtarisht pjesë e jetës sonë dhe e vetmja gjë që mund të bëjmë, është të vishemi për ta përballuar.
Sigurisht të gjithë e kemi më të lehtë të vishemi me ç’të na dalë para dhe mjafton të jemi ngrohtë, por nuk është më nevoja të veprojmë në këtë mënyrë.
Mjafton të ndjekim këshillat që vajzat e njohura të ekranit shqiptar na japi çdo javë në “Iconstyle.al” dhe përveçse ngrohtë do dukemi dhe plot stil.
Këtë javë, pjesë e rubrikës është Estela Ujka, ndër blogeret e para shqiptare. Ajo ka ndarë me ndjekësit e “Iconstyle.al” 3 veshjet dhe detajet më ‘must’ të sezonit që duhet t’i kemi me patjetër, nëse duam që të biem në sy dhe të jemi ngrohtë.
Kostumi dopiopet
Nuk ka asgjë më seksi sesa një kostum i veshur me stil. Estela Ujka na sugjeron ata të tipit dopiopet ose që në përditshmëri i njohim si kostumet e babit, me vata të mëdha dhe shumë burrërore. Këto kostume janë ‘must’ i sezonit, prandaj nuk duhet të mungojnë në gardërobën tuaj.
Çantat e vogla
Të vogla, praktike dhe lehtësisht të kombinueshme, çantat e vogla janë detaji më “must”. Ato bien lehtësisht në sy dhe nuk është nevoja që të marrësh 1000 gjëra me vete. Blogerja shqiptare i sugjeron me rrip sa më të gjatë dhe ngjyrën ua lë ju në dorë.
Pelushët oversize
Thuaji dimri “të pres me krahë hapur” më një pelush oversize. Ky model ka dy vite që është “in” dhe do të vazhdojë edhe këtë sezon të na mbajë ngrohtë dhe të na kënaqë. Pelushi oversizë mund të kombinohet lehtë me çdo stil dhe të përshtatet për çdo rast. Me atlete apo me taka, xhinse apo fund, pelushi oversize është kryefjala e dimrit.
