Ndonjëherë nuset i japin aq shumë rëndësi fustanit të bardhë saqë harrojnë aksesorin më të rëndësishëm: këpucët.
Edhe pse disa këpucë mund të duken perfekte për ditën më të veçantë të jetës, ka një model prej të cilit duhet të ketë kujdes çdo nuse e ardhshme.
Këpucët me majë dhe me takë të lartë mund të duken shumë fine dhe elegante, por ato e vendosin të gjithë presionin mbi shputën tuaj të këmbëve dhe skajet e gishtërinjve.
Ndaj është mirë që të mos i vishni në dasmë nëse doni që të kërceni gjatë gjithë mbrëmjes. Megjithatë mund të bëni një kompromis me veten nëse jeni të fiksuara pas tyre, si të zgjidhni versionin e njëjtë të këpucëve por me takë më të ulët, (7 cm ose më pak).
Gjithmonë mund të ndryshoni mendje për një palë këpucë më të rehatshme pas ceremonisë dhe fotove dhe ja ku i keni opsionet:
Këpucët ose sandalet me takë të trashë janë një ide e mire, thjesht sigurohuni që ta keni liruar mjaftueshëm lidhësen të kyçi i këmbës.
Këpucët me platformë bëjnë që shputa e këmbës suaj të jetë në të njëjtin nivel me thembrën, duke lehtësuar tendosjen në harkun e këmbës.
Këpucët e sheshta janë ideale nëse jeni duke kërkuar për rehati maksimale. Nëse dasma juaj do të mbahet në natyre ose buzë detit, ato do të jenë mbështetja juaj më e madhe na besoni.
Atletet. Nëse kurrë nuk vishni taka, atë konsideroni një palë atlete të bardha. Nuk është e thënë të jeni një nuse tradicionale.
Sandalet ortopedike janë në përgjithësi më të qëndrueshme dhe më të lehta për të ecur apo kërcyer. Janë ideale sepse nuk kanë takë që të futet në rënë apo në barin e kopshtit ku po martoheni.
Nëse dasma juaj është në plazh, këpucët prej cope të sheshta dhe të rehatshme janë një zgjedhje ideale nëse nuk i preferoni takat.
Sandalet e sheshta. Përfitimet praktike të sandaleve të sheshta janë të dukshme: nuk ka tendosje në harkun tuaj të këmbëve dhe ka një mori opsionesh të bukura, të denja për dasmën tuaj.
Këpucët me majën e hapur nuk i shtrëngojnë gishtat por përkundrazi i lënë ata të lirë. Por nëse gishtat fërkohen me këpucën ose me njëri-tjetrin, vendosini një fashë që të ndiheni më rehat.
Burimi: Whowhatwear.co.uk
