Landi i West Side Family është shprehur i revoltuar për sjelljen e pushuesve në jug, ku pas një ahengu natën, kanë lënë të gjitha mbeturinat në plazhin ku ndodhej këngëtari.
Ai ka publikuar një video në Instastory, përmes së cilës kritikon rininë shqiptare që me veprime të tilla të pandërgjegjshme dëmtojnë mjedisin.
“Mos ardhshi më këtu e mos e bëfshi pikën e hajrit asgjëkundi me këtë sjellje!! Derra. Shqipëria është një vend i bukur por me këtë sjellje nuk kemi për të shkuar asgjëkundi. Nuk mund t’i kërkojmë as qeverisë as dreqit, që jo po na bëj këtë e atë. Nëse ti vjen vëlla ose motër për qejf edhe shkakton këtë lloj mynxyre këtu, je një derr që ai tjetri aty dhe qeveria të thotë ‘o vëlla nuk kam çfarë bëj se ti je një derr’! Prandaj kujdesuni për ambientin, pini, bëni qejf, bëhuni tapë por mos lini menderosje nga pas. Tani këto gjërat tuaja po jua heq unë sot, po thirrini mendjes legena”, shprehet këngëtari.
Më pas Landi reagoi me një postim të dytë pas mesazhve pozitive që mori kur i erdhi në ndihmë mjedisit, por tha se ka dhe nga ata që mendojnë se nuk ishte ndonjë krim ajo që bënë ata të rinj.
“Një pjesë e vogël, 0,1% më thonë ‘Amo mo si bën se kanë qenë njërëzit për qejf’. Ti nuk i duhesh këtij vendi, nëse je patriot e je shqiptar do ta pastrosh vendin se është minimuni që duhet të bësh”, e mbyll fjalën Landi.
