Dëshira për të luajtur futboll ka bërë që një efektiv të thyejë rregullat e izolimit dhe të ndëshkohet!
Shefi i qarkullimit në Vlorë Rustem Plaka është pezulluar nga detyra nga Drejtoria e Standardeve Profesionale në Policinë e Shtetit, pasi mbrëmjen e djeshme së bashku me 9 persona të tjerë u kap duke luajtur futboll në Pyllin e Sodës.
Në vend që të bëhej shembull vetë për respektimin e masës së izolimit, prej orës 13:00 të së shtunës, shefi i qarkullimit theu karantinën dhe tani është i detyruar që përpos gjobës, të kalojë edhe 14 ditë në izolim.
Plaka së bashku me të tjerët, do të qëndrojnë për 14 ditë në izolim në monitorim nga policia, raporton Report Tv.
Në të gjithë vendin, gjatë 24 orëve të fundit, si rezultat i kontrolleve të ushtruara nga strukturat e Policisë dhe denoncimeve të ardhura nga qytetarët, janë evidentuar dhe ndëshkuar me gjobë 10.000 lekë, 262 shtetas, të cilët u konstatuan nga shërbimet e Policisë duke lëvizur në këmbë apo me biçikleta, pa ndonjë arsye apo emergjencë.
/Iconstyle.al
