“Ka qenë një nga periudhat më të errëta për mua.”
Kështu e cilësoi Shakira në një intervistë së fundmi ndarjen nga Gerard Pique. Pas tre muajsh në heshtje, më në fund ajo vendosi të thotë fjalën e saj mbi ndarjen e shumë komentuar me futbollistin.
Ndër të tjera autorja e hitit “Waka Waka” u shpreh se ka qenë një moment i vështirë për të dhe veçanërisht fëmijët e saj.
Mirëpo, këtë prononcim të Shakirës duket se Pique nuk e ka pritur fare mirë. Mbrojtësi i Barcelonës ka reaguar duke e cilësuar të gjithë këtë një viktimizim nga ana e ish-partneres së tij.
Pique konsideron se pretendime të tilla janë hakmarrje dhe beson se Shakira po luan rolin e viktimës.
“Kam qëndruar e heshtur dhe thjesht jam përpjekur t’i përpunoj të gjitha. Um, dhe po, është e vështirë të flasësh për këtë, veçanërisht sepse jam ende duke e përjetuar si gjë, dhe sepse jam në sy të publikut dhe sepse ndarja jonë nuk është si një ndarje e rregullt. Dhe kështu ka qenë e vështirë jo vetëm për mua, por edhe për fëmijët e mi, tepër e vështirë,”- u shpreh këngëtarja për “Elle”.
“Kam kamping të paparacëve jashtë, përballë shtëpisë sime, 24/7”, shtoi Shakira. “Dhe nuk ka një vend ku mund të fshihem prej tyre me fëmijët e mi, përveç shtëpisë time. E dini, ne nuk mund të bëjmë një shëtitje në park si një familje e zakonshme ose të shkojmë të hamë një akullore ose të bëjmë ndonjë aktivitet pa paparacët që na ndjekin. Kështu që është e vështirë.”
Kujtojmë që Shakira dhe Pique e njoftuan ndarjen e tyre në qershor, ndërsa janë prindër të dy djemëve, Sashës dhe Milan-it.
