Kim Kardashian dhe motra e saj Kourtney Kardashian kishin planifikuar që t’i vinin flakën tapetit të kuq të amfAR në New York dhe ia arritën qëllimit.
Dy motrat, përkatësisht 38 dhe 39-vjeçare, u shfaqën të veshura me fustane elegante në ngjyrë të zezë të Versace-s që ekspozonin linjat seksi.
Makijazhi ishte tepër natyral, ndërsa në sy na ra mungesa e bizhuterive duke ia lënë meritat e shkëlqimit të fustaneve të mrekullueshme.
Kim theksonte dekoltenë e saj shumë të hapur, ndërsa Kourtney vuri në pah këmbën e tonifikuar me të çarën e fustanit që shkonte shumë lart kofshës.
Fustani i Kim i përket koleksionit të 27 viteve më parë të Versace-s Vjeshtë/Dimër 1991.
Ndërkohë fustani i Kourtney-t i përket koleksionit vjeshtë 2018.
Cili është i preferuari juaj?
