Rrëzimi i urës “Morandi” në Itali rezultoi tragjike për të paktën 35 persona, të cilët humbën jetën. Fillimisht u përfol se rrëzimi i saj u shkaktua si pasojë e një rrufeje, por ekspertët janë mëse të bindur që kjo ndodhi për shkak të dëmtimeve që ka pasur ura që në momentin e ndërtimit të saj.
Një pjesë e madhe prej 260 metra e urës 50-vjeçare “Morandi” u shkatërrua mëngjesin e sotëm rreth orës 11:30, ndërsa autostrada në perëndim të saj ishte e mbushur me makina dhe kamionë të shumtë.
Makinat ranë qindra metra së bashku me tonelata të tëra çeliku dhe mbeturina betoni duke rrafshuar të gjitha makinat dhe duke lënë pas rrënojat e ngulitura në ndërtesa.
“Nuk mund të kishte qenë rrufe. Nuk e kuptoj se si do të ishte e mundur, pasi betoni është i përforcuar dhe kjo nuk ka ndodhur kurrë më parë.”, thotë Agathoklis Giaralis, zëdhënës i Qëndrës kërkimore të Strukturave të Inxhinierisë Civile të Londrës.
Ai tha se ura e cila u përfundua në vitin 1967 duhet të ketë pasur të meta në ndërtimin e saj, me siguri në themele, ose pësoi dëmtim në pjesët metalike të saj.
Prej kohësh banorët e kësaj zone kishin shfaqur frikën se ura 50-vjeçare mund të shembej dhe mbanin frymën sa herë kalonin aty.
“Gjendja e urës gjithmonë na shqetësonte. Askush nuk e ka kaluar atë urë pa iu dridhur zemra”, thotë një banor i zonës për “BBC”.
“Gjithkush është lutur gjithmonë që kjo urë të mos bjerë poshtë sot ndodhi kjo”, thotë një banor tjetër.
Zyrtarët kanë frikë se me dhjetra njerëz janë të vdekur në atë që quhet si tragjedia e madhe.
Burimi: Daily Mail
