The Weeknd dhe Selena Gomez janë çifti më i ri në industrinë e muzikës, të cilët e bënë publike romancën këtë javë.
Por artisti i R&B, i cili u nda nga modelja Bella Hadid në muajin nëntor pas dy vitesh lidhje, duket se nuk e ka me qejf shumë të madh martesën.
“Martesa më frikëson shumë”, ka thënë kanadezi 26-vjeçar për numrin e shkurtit të revistës “GQ”. “Më duket se jam tip që do të kem fëmijë përpara se të martohem”, ka shtuar këngëtari, i cili po shijon një sukses të jashtëzakonshëm me albumin e tij të tretë “Starboy”.
Por gjatë katër viteve duke u përpjekur të gjejë famën, artisti thotë se ka një stil jetese më të rregullt. “Jam më shumë i rregullt se sa katër vite më parë, kur nisa gjithçka dhe të shijoja jetën. Nuk eci në klub dhe them, “Oh, unë jam djali më seksi këtu”. Arsyeja pse ato duan të shkojnë me mua është për atë që bëj (në studio). Kështu që thjesht do të fokusohem në atë”, shprehet këngëtari.
Burimi: Daily Mail
