Prezantimin e Marinës me televizionin e ri ku do të punojë, e mori përsipër Ermal Mamaqi në spektaklin e tij, ku krijoi humor.
Ai e prezantoi Marinën me të giithë punonjësit në TV Klan, bashkë me shefat e deri të vendet ku duhet të parkojë ajo makinën.
Vazhdimisht e lajmëronte të bëjë kujdes me Blendi Fevziun, pasi ai është “vetë Klani”, ndërsa Marina qeshte. Të gjithë, në të vërtetë e kuptuan, që edhe pse të thëna me humor, ato, në pjesën më të madhe, ishin të vërtetat e televizionit të madh, ndërsa pjesa që mbetej ishin përshtypjet e Mamaqit.
Këtë e konfirmoi edhe Romina Allku, një nga njerëzit që ka punuar për vite në këtë televizion si “Sofia” e programit “Zonë e lirë”.
“Vetëm thashetheme s’ke thënë, por të vërtetat me humor hahaha”, komenton ajo në një nga videot që Mamaqi ka postuar, pas programit.
(Për të ndjekur thashethemet e Ermalit ndiq videon :min 18:11)
