Ndërsa të gjithë prisnim të realizohej dasma e premtuar, çifti merr vendimin të ndahet. Danjel dhe Fotini ishte çifti që fitoi “Big Brother 9” vitin e kaluar dhe një ndër dyshet më në qendër të vëmendjes nga mediat online.
Ndërsa ndjenja e tyre lindi brenda shtëpisë që vëzhgohet nga kamerat, vendosën që të martoheshin po aty, duke premtuar se pas largimit nga “reality-show” do të organizonin një dasmë gjigande.
Por mbrëmjen e djeshme Danjeli njoftoi ndarjen nga Fotinia.
“Janë disa arsye përse unë dhe Fotini kemi vendosur të ndërpresim këtë lidhje duke gëzuar respekt për çdo të mirë dhe të keqe që kemi kaluar së bashku dhe sigurisht për njëri-tjetrin. LAFODA”, shkruhej në “Instastory”-n e profilit me emër, “danjel.dedndreaj2”, të cilin sot nuk do ta gjeni dot më në “Instagram”.
Dyshimet e para për ndarjen lindën kur çifti mbylli llogarinë e përbashkët të “Instagram”-it, derisa dje u pranua nga ish-banori.
