Kanye West thuhet se ka qenë në një lidhje romantike me modelen Vinetria, 22 vjeçe, për disa kohë përpara se të dilnin publikisht bashkë gjatë fundjavës.
Sipas Page Six, reperi është ‘lidhur’ me modelen, por nuk është dhënë asnjë afat kohor se kur filloi zyrtarisht lidhja e tyre.
Ëest dhe Vinetria u shfaqën bashkë në public teksa morën pjesë në ndeshjen debutuese të basketbollit të “Donda Academy” në Minneapolis, ku ishin ulur së bashku të fotografuar në stadium.
Lëvizja vjen vetëm një javë pasi Kanye mahniti fansat duke shprehur shpresat për një pajtim me Kim Kardashian dhe duke mohuar se ai ishte divorcuar nga ylli i Keeping Up with The Kardashians, e cila thuhet se është në lidhje me yllin e SNL, Pete Davidson.
Të enjten, më 4 nëntor, reperi i albumit “Donda” foli për situatën e tij me Kim-in, ku ai vazhdimisht i referohej asaj si gruaja e tij gjatë një interviste në Drink Champs.
‘SNL e bëri gruan time të thotë, “Unë u divorcova nga ai” në TV sepse ata thjesht donin ta hiqnin atë barrierë. Dhe as që i kam parë letrat; as nuk jemi divorcuar. Kjo nuk është shaka për mua. Fëmijët e mi duan që prindërit e tyre të qëndrojnë së bashku. Unë dua që ne të jemi bashkë”, kishte thënë Kanye referuar daljes së Kim në Saturday Night Live.
Një javë më vonë, Kanye dhe Vinetria dukeshin shumë si një çift teksa ishin ulur krah për krah në ndeshjen e basketbollit në Minesota. Vinetria gjithashtu thuhet se ishte me reperin në Miami muajin e kaluar kur ai filmoi intervistën e tij në Drink Champs (megjithëse u publikua vetëm më 4 nëntor), gjatë së cilës ai tha se Kim Kardashian është ende gruaja e tij.
