Ditën e djeshme reperi Noizy lajmëroi ndjekësit e tij në “Instagram” se do të shkëputet për disa ditë nga rrjetet sociale.
Në një postim në Instastory ai shkroi: “Më duhet të rri një javë pa rrjete sociale për të mbaruar albumin Alpha.”
Mirëpo me sa duket reperi është ‘penduar’ për vendimin e marrë, pasi së fundmi ka qenë aktiv në profilin e tij. Noizy ka publikuar fillimisht një foto nga një vend lukzos me pishinë, që pasohet nga një tjetër story ku reperi luan me miqtë e tij. Kështu fansat e Noizy-t nuk duhet të “shqetësohen” pasi reperi vijon të jetë aktiv në rrjetet sociale, ndërsa punon për albumin e ri.
Disa kohë më parë Noizy mbajti një koncert në sheshin “Nënë Tereza”, ku bëri bashkë shumë artistë shqiptarë dhe të huaj. Koncerti “Alpha”, me të njëjtin emër si albumi i ri, bëri bujë të madhe pasi kjo ishte hera e parë që reperi i shfaq në skenë së bashk me Stresin, duke gëzuar të gjithë fansat e tyre.
Ndër të tjera miku i reperit, Blerim Destani ngriti dyshime se Noizy do të tërhiqet nga muzika pas koncertit. Deklarata e tij u sqarua disa ditë më pas nga Noizy, i cili shprehu se dita e largimit të tij nga muzika është ende larg.
“Besoj se jam disa vite larg largimit nga muzika. Nuk besoj se do e le muzikën ndonjëherë. Gjithmonë do të merrem me muzikë. Nëse s’do jem aktiv nëpër koncerte, do jem aktiv duke prodhuar muzikë për artista të rinj. Do bëj këngë, por mbase koncertet i rralloj. Kur të vijë mosha 50 vjeç normal që edhe mund të shkëputem”, tha Noizy.
