Ai donte të largohej nga xhirimi i filmave për një kohë.
Më pak se një muaj pasi njoftoi se po bënte një pushim nga aktrimi, Ryan Reynolds tashmë ka nënshkruar një projekt të ri.
Aktori, 45 vjeç, do të ketë një rol kryesor në Imaginary Friends, një komedi e shkruar dhe drejtuar nga ylli i The Office, John Krasinski.
‘Imaginary Friends’ do të shfaq një burrë që flet me miq imagjinarë. Ai konstaton se miqtë janë shumë të inatosur nga një veprim i tillë.
Prodhimi do të fillojë verën e ardhshme, duke i dhënë Reynolds pak kohë para se të kthehet në xhirime. Filmi aktualisht është planifikuar të shfaqet në Ditën e Falenderimeve 2023.
Kujtojmë se më 17 tetor, aktori Ryan Reynolds, njoftoi se do të marrë një pushim nga aktrimi për një kohë në një postim të gjatë në Instagram. Ai ndau lajmin ndërsa festonte ditën e tij të fundit duke xhiruar filmin e tij të ardhshëm muzikor të Krishtlindjeve, Spirited, së bashku me Will Farrell dhe Octavia Spencer.
“Nuk isha sigurt se do të isha gati t’i thosha po një filmi kaq sfidues edhe tre vjet më parë, “shkroi ai së bashku me fotot e shumta nga prapaskenat nga seti.
“Këndimi, vallëzimi dhe loja në kutinë e rërës me Will Ferrell bëri që ëndrrat të ishin realizuar. Dhe ky është filmi im i dytë me @octaviaspencer … Koha e përkryer për pak pushime nga bërja e filmit.
Do të më mungojë çdo sekondë [e] të punoj me këtë grup krijuesish dhe artistësh të talentuar.
Këto ditë, mirësia ka rëndësi po aq sa talenti.”
