Tetori 2025 pritet të jetë një muaj sfidues për disa shenja të zodiakut, duke sjellë tensione dhe vështirësi në fusha të ndryshme të jetës. Nëse i përkisni njërës prej shenjave të mëposhtme ose keni Ascendentin në to, përgatituni për një periudhë që kërkon durim dhe qetësi.
Demi, Luani dhe Ujori do të përballen me shumë trazira gjatë këtij muaji. Marsi në shenjën e Akrepit do të ndikojë fuqishëm në dhjetë ditët e para të tetorit, duke shkaktuar konflikte në marrëdhëniet personale dhe profesionale. Xhelozia, posesiviteti dhe rivaliteti mund të sjellin tensione të forta, ndërsa armiqtë e fshehur do të dalin në pah. Mërkuri dhe Dielli, të cilët kalojnë në Akrep gjatë muajit, do të shtojnë tensionet me shpifje, dyshime dhe mosbesim, duke e bërë periudhën tejet të vështirë për ta.
Nga ana tjetër, Dashi, Peshorja, Gaforrja dhe Bricjapi do të përjetojnë humbje dhe zhgënjime, veçanërisht në ditët e para të muajit. Kuadratet e Mërkurit, Diellit dhe Venusit me planetët e tjerë do të ndikojnë në marrëdhëniet dhe financat, duke krijuar mosbesim dhe dyshime të forta. Data 7 dhe 24 tetori janë momentet më të ndjeshme, ku rreziku për humbje është më i madh. Këta persona duhet të tregohen të kujdesshëm dhe të shmangin vendimet impulsive, sidomos në marrëveshje apo investime.
Në përgjithësi, tetori do të kërkojë vetëkontroll, maturi dhe vëmendje ndaj detajeve për të kaluar pa dëmtime këtë periudhë të trazuar. Për ata që dinë të ruajnë qetësinë, kjo sfidë mund të shërbejë si një mundësi për të forcuar vetveten dhe marrëdhëniet personale.
