Tërmeti i parë 5.1 ballë i shkallës Rihter, që “shkundi” kryeqytetin dhe zonat përreth mesditën e së mërkurës, ka shkaktuar një sërë dëmesh. Edhe përse epiqendra e tërmetit ishte në fshatin Hamallaj në qytetin e Durrësit, dëmtimet të shumta kanë pësuar edhe godinat në kryeqytet.
Një ndër godinat e institucioneve të prekura nga tërmeti është ajo e Ministrisë së Bujqësisë. Siç shfaqet edhe në foto, muri kryesor i saj është çarë në mes deri në pjesën e soletës. Fatmirësisht nuk flitet për personave të lënduar.
Ndërkohë që Ministria e Mbrojtjes ka publikuar edhe dëmet e shkaktuara:
-Është konstatuar rënia e një çatie në një banesë të braktisur, njësia administrative Manzë, Durrës.
-Ndërsa në Yrshek, Kashar, në periferi të Tiranës është çarë muri i një banese.
-Në Marqinet, Bashkia Vorë, raportohet dëmtimi i çatisë së një banese.
-Në lagjen “Dyl Haxhire Myzyri”, pallati nr. 8 ka plasaritje të mureve.
-Njësia Cudhi, Bashkia Krujë është plasaritur një banesë.
-Fshati Brret, Bashkia Krujë një banesë e plasaritur.
-Plasaritje janë shënuar edhe në një supermarket në lagjen 17, Bashkia Durrës.
