Pjesa perëndimore e ishullit turistik Kretë në Greqi është tronditur nga një tërmet me magnitudë 5.3 Rihter.
Instituti i Gjeodinamikës në Athinë njofton se matjet fillestare treguan se lëkundja, në orën 07:02 të mëngjesit me atë lokale, u regjistrua rreth 18 kilometra nën shtratin e detit, duke goditur afro 60 kilometra në bregun jugor të ishullit pranë qytetit të vogël portual Palaiochora.
Ky tërmet u parapri nga shumë të tjerë më të vegjël në rajon.
Nuk raportohen të lënduar.
