Një tërmet me magnitudë 6.1 goditi mëngjesin e sotëm zonën juglindore të Kretës, në afërsi të ishullit Kasos. Lëkundjet u ndjenë në disa rajone të Greqisë, përfshirë Rodosin, Kosin dhe deri në jug të Turqisë.
Autoritetet greke lëshuan një paralajmërim për cunami, por fatmirësisht nuk u raportuan dëme të mëdha apo pasoja në njerëz.
Sipas sizmiologëve, tërmeti ndodhi në një thellësi prej mbi 60 kilometrash, çka ndihmoi në zbutjen e ndikimit në sipërfaqe.
Ekspertët e konsiderojnë këtë një ngjarje të izoluar, tipike për “Harkun Grek”, një zonë e njohur për aktivitet të lartë sizmik. Nuk ka lidhje me tërmetet e fundit në Santorini apo Turqi, sipas vlerësimeve zyrtare.
