Një sherr banal disa muaj më parë midis dy reperave Kleviol Ahmetit, i njohur si Cllevio dhe Rigels Rajkut (Noizy-t) mori gjithë vëmendjen e mediave.
Kudo u pasqyruan pamjet e përleshjes së personave në fjalë, të cilët ishin të shoqëruar nga miq dhe shokë. Ngjarja ndodhi në Durrës, në hyrje të lokalit të Noizy-t.
Pas këtij momenti e gjithë pjesa tjetër u kthye në një “telenovelë”. Nuk kanë munguar as sharjet dhe pajtimet midis dy reperave.
Së fundmi, mesa duket gjakrat janë qetësuar plotësisht, pasi Cllevio dhe Noizy janë shfaqur bashkë në një live në TikTok. Epo, ky është një hap i rëndësishëm në ditët e sotme ku edhe ndarjet edhe pajtimet bëhen virtualisht.
Nuk na mbetet gjë tjetër vetëm të shikojmë nëse Rigelsi dhe Klevioli janë pajtuar njëherë e mirë, apo gjithçka është për vëmendje.
Si ndodhi sherri
Cllevio, shoku i reperit tjetër Stresi, mbërriti në zonë së bashku me disa miq të tij me makina. Pas debatit verbal, Noziy nis ta shqelmojë të riun dhe në momentin kur ky i fundit shpëton nga duart e reperit, futet në një prej automjeteve dhe largohet.
Por Rigels Rajku e ndjek pas dhe nis ta godasë edhe tek dera e makinës, përpara se Kleviol Ahmeti të “arratiset”.
Ndërkohë në rrugë ndodhet edhe një mik i Cllevio, i cili po ashtu dhunohet nga reperi dhe miqtë e tij.
Në video shiheshin momente kur Noizy e godet me grushte, megjithatë pas disa sekondash e la të lirë. Po ashtu edhe miku i Cllevio, pasi shpëton nga duart e reperit largohet me makinë.
