Një tragjedi u parandalua mbrëmjen e djeshme në rrethin e Fierit. Rudina Kishta i vuri flakën banesës së bashkëjetuesit të saj dhe tentoi të mbyste në lumin Seman dy vajzat e saj të mitura.
Mësohet se në dëshminë që ajo ka dhënë në polici është shprehur se vajzat kërkonte t’i vriste që të mos vuanin.
“Doja t’i jepja fund vuajtjeve kur mora vesh që policia po më kërkonte. Isha e traumatizuar”, mësohet të jetë shprehur 42-vjeçarja në dëshminë e saj në polici.
Ndërsa bashkëjetuesi i saj Ardian Gjika, 35 vjeç u shpreh dje se pas një debati me partneren ai ishte larguar nga shtëpia dhe kjo e fundit i kishte vënë flakën banesës. Sipas tij, ajo vuan prej disa kohësh nga depresioni.
Tashmë çështja i ka kaluar Prokurorisë pranë Gjykatës së Rrethit Gjyqësor Fier dhe pritet të merret edhe vendimi në lidhje me Rudinën sipas Kodit Penal.
Burimi: Panorama
