Dita e 3 e protestës për vrasjen e Klodian Rashës ka nisur me tensione. Qytetarët e revoltuar janë mbledhur fillimisht përpara godinës së Kryeministrisë dhe më pas janë shpërndarë me gazlotsjellës e ujë me presion nga policia.
Më pas qytetarët janë tërhequr prej andej për të vijuar protestën e tyre drejt ish-Bllokut e Drejtorisë së Policisë, por as aty nuk kanë munguar përplasjet me policinë. Madje uniformat blu kanë ushtruar dhunë ndaj disa prej tyre, pasi në rrjet janë shpërndarë video ku policët shihen duke qëlluar me grushte një të ri.
Njësoj si ditën e djeshme janë thyer tabela, semaforë e stacione urbani. Ndërkohë që nuk kanë munguar as thirrjet “Drejtësi për Klodianin”, “Rama Ik”, “Poshtë diktatura”. Deri më tani bëhet me dije se janë shoqëruar në komisrait disa protestues, po nuk dihet numri i tyre i saktë.
View this post on Instagram
Pas dorëheqjes së ministrit Lleshaj, protestuesit kërkojnë ditën e sotme largimin e Ardi Veliut, ndalimin e dhunës nga ana e policisë dhe reformimin e policisë së shtetit. Ndërkohë “Iconstyle.al”, që në fillim të ngjarjes ka kërkuar largimin e:
-Muhamet Rrumbullaku, drejtor i SHÇBA, që manipuloi hetimin.
-Ardi Veliu, drejtori i Policisë së Shtetit.
-Gjovalin Loka, drejtori i Departamentit për Sigurinë Publike, mban përgjegjësi për dhunën ndaj protestuesve.
-Rebani Jaupaj, drejtor i Policisë Tiranë duhet të mbajë përgjegjësi pse policia ishte pa kamera në trup natën e ekzekutimit të Klodianit.
