Si të zgjidhni syzet e duhura? Ja disa këshilla duke u nisur nga format, ngjyrat dhe materialet e syzeve për verën e 2015-ës.
Format e syzeve që nuk dalin kurrë nga moda janë modeli “pikë loti” nga Ray-Ban. Modeli klasik “alla aviator” vazhdon dhe preferohet nga stilistët, por me ngjyra dhe materiale të ndryshme.
Markat e mëdha si “Gucci”, “Ferragamo”, “Puci” dhe “Yves Saint Laurent”, kanë rikthyer në modë syzet kuadrat të viteve ’60-të, me format e rrumbullakëta që mbulojnë një pjesë të madhe të fytyrës. Si njëherë e një kohë kur divat e kinemasë si Sophia Loren, i mbanin këto syze për të fshehur sytë e lodhur. “Armani”, “Chanel” dhe “Chloe”, preferojnë format femërore në modelin flutur, duke luajtur me ngjyrat dhe detaje të çmuara dekori.
Ngjyrat tendencë. Përveç të zezës klasike e cila është një ngjyrë kult për syzet, ngjyra “marsala” një e kuqe në vishnje është shumë e përdorur në këtë sezon nga “Chanel”. Bluja me të gjitha sfumaturat e saj do të jenë gjithashtu shumë në modë. Këto ngjyra do të jenë në modelet e syzeve femërore dhe mashkullore. E reja e “ D&G” për këtë sezon, është risjellja e luleve. “Gucci” ka preferuar lentet shumëngjyrëshe. Për një opsion më sportive, “Dior” ka menduar për ngjyrën e xhamave të argjendtë.
Materialet e preferuara janë ato “High – tech”, të lehta dhe rezistente. E reja është korniza e syzeve prej druri.
Nga Mersi Bardhi
