India veriore po përballet me një verë përvëluese, me temperatura që janë regjistruar më të larta se ndonjëherë tjetër, deri në 49.9 gradë Celsius, që kanë nisur në fillim të këtij muaji.
Por, vapa mbytëse vazhdon edhe pasi bie nata. Kjo gjë ka bërë që netët në Indi të jenë tepër të vështira për banorët dhe po ashtu të rrezikshme, teksa ata po përjetojnë temperatura shumë të larta.
Netët më të nxehta janë pasojë e krizës klimatike, paralajmërojnë shkencëtarët, që tregojnë se i nxehti rrit stresin dhe i bën njerëzit më të rrezikuar nga problemet shëndetësore.
Nga 1 marsi deri më 18 qershor, 110 njerëz në Indi vdiqën pasi pësuan goditje të nxehtësisë, sipas të dhënave të Ministrisë së Shëndetësisë të siguruara për Associated Press.
Një numër vendesh në Indinë veriore, ku temperaturat në rritje kanë thyer rekorde, janë detyruar gjithashtu të mbyllin shkollat për shkak të të nxehtit ekstrem.
Studimet kanë treguar se temperaturat më të larta gjatë natës e bëjnë më të vështirë rënien në gjumë.
