Edhe pse jemi tashmë zyrtarisht në vjeshtë, moti i ngrohtë duket se nuk do të largohet aq lehtë.
Sipas ‘Meteoalb’ për Mesdheun vijnë sinjalet e para për masat ajrore të nxehta nga Afrika.
Këto do të pasohen me temperatura të larta, që do të prekin kryesisht Francën dhe Italinë. Në këtë rreth nuk përjashtohet as Shqipëria, e cila ditët e para të muajit pati temperatura kryesisht të larta.
“Edhe pse jemi në stinën e vjeshtës vijnë sinjalet e para për Mesdheun dhe pjesërisht Europën qëndrore ku sërish priten masa ajrore me origjinë Afrikane duke sjellë temperatura të larta: Kryesisht në Francë dhe Itali” – shkruan ‘Meteoalb’.
