Soni Malaj ka zbuluar një ‘trik’ që i vjen në ndihmë për t’u kujdesur për veten. Teksa ishte e ftuar në emisionin “Rudina”, këngëtarja tha se dëgjon zilen e celularit të saj që i kujton se është koha e ushqimit. Ajo ndjek “agjërimin e ndërmjetëm” dhe rezultatet janë mëse të dukshme.
Soni Malaj: E dëgjon një zile? Sepse është momenti im për të ngrënë tani ngaqë bëj ‘fasting’.
Rudina Magjistari: A tani se na dole vetë në temë, t’i zbulojmë ca sekrete edhe për publikun. Pra Soni bën ‘fasting’ dhe ka vënë telefonin, duhet të kesh ndonjë aplikacion i cili të kujton oraret…
Soni Malaj: Jo, thjesht e gradoj 16 e 30, dikush të fikë atë telefonin që po i bie zilja.
Rudina Magjistari: Domethënë ti qëndron 16 orë e gjysmë pa ngrënë, kaq e ke minutazhin?
Soni Malaj: Po.
Rudina Magjistari: Kur e nis ‘fasting’, tani në mbrëmje?
Soni Malaj: Duke qenë se unë fle shumë vonë, artistët përgjithësisht flenë vonë, në momentin që unë mbaroj vaktin e fundit.
Rudina Magjistari: Kur zakonisht?
Soni Malaj: Nuk e kam të përcaktuar, varet.
Soni shton se nuk kalon asnjë ditë pa palestër, por i ka ndier përfitimet e “agjërimit të ndërmjetëm”. Gjithsesi, ajo theksoi disa herë se është e rëndësishme këshillimi me një specialist sepse çdo organizëm është i ndryshëm.
Soni Malaj: Unë patjetër, palestrën e kam të përditshme poor ‘fasting’ më së shumti dhe çfarë kam ndier rezultat, është për sa i përket lëkurës. Duke bërë ‘fasting’, trupi ushqehet me toksinat e veta dhe këto nuk na shkojnë në organizëm, është si punë agjërimi. Qëkur unë kam filluar ‘fasting’, po bëhen dy vite tani ose më shumë, jam shumë më energjike, nuk sëmurem kurrë, asnjëherë.
Këtë metodë Soni ia sugjeron një grupmoshe të caktuar, shoqëruar me një batutë plot humor.
Soni Malaj: Mbi të 30-at, ‘fasting’ është i mrekullueshëm. Jo se jam unë mbi 30, kuptohet, por aty afër.
