Modelja shqiptare me famë botërore, Emina Cunmulaj është në pritje të fëmijës së saj të dytë. Ajo është nënë e një vajze, Ellia Faria, dhe së shpejti do të vijë në jetë edhe bebi i saj i dytë, gjininë e të cilit nuk e ka zbuluar ende.
Të gjithë fansat janë kuriozë ta dinë nëse Emina do të bëhet sërish me vajzë apo me një djalë, dhe madje është aluduar vazhdimisht rreth kësaj nisur nga sinjale të ndryshme që modelja ka dhënë në rrjetet sociale.
Duke u nisur nga interesimi i madh i fansave Emina ka zgjedhur t’iu përgjigjet atyre nëpërmjet një lidhje live në Instagram.
“Nuk e dimë gjininë. Unë dhe bashkëshorti kemi vendosur që ta mësojmë këtë ditën që do të lindë. Nuk është aq e thjeshtë, por për ne e rëndësishme është që të jetë një fëmijë i shëndetshëm”, tha Emina gjatë këtij komunikimi me fansat.
Modelja shqiptare gjithmonë e ka shprehur dëshirën e saj për një vajzë të dytë.
“Vajzat janë lumturia e prindërve. Djali ikën me nusen kurse vajza kurrë nuk i lë prindërit vetëm”, është shprehur Emina.
