Dita e sotme është një ditë speciale për të gjithë besimtarët ortodoksë, pasi festojnë Pashkët.
Siç e do tradita, në mesnatë të gjithë besimtarët kremtojnë ngjalljen e Krishtit në meshën e Pashkëve.
Mirëpo teksa të gjithë besimtarët ortodoksë festojnë Pashkët, e dini historinë e traditës së trokitjes së vezëve të kuqe?
Vezët e pashkëve janë të lyera me ngjyrë të kuqe dhe përfaqësojnë gjakun e Krishtit, të derdhur në Kryq.
Sipas historisë së besimit ortodoks, thuhet se Maria Magdalena u kishte çuar vezë të ziera grave që ndodheshin pranë varrit të Jezusit dhe kur ajo pa Krishtin e ringjallur, vezët u bënë të kuqe.
Ndërsa thyerja e lëvozhgës së vezës, simbolizon thyerjen e varrit nga ku Krishti u ringjall, çka solli më pas dhe kremtimin e Pashkëve.
Historia e traditës së trokitjes së vezëve të kuqe.
Loja e trokitjes së vezëve përfshin dy lojtarë. Secili prej tyre mban një vezë të kuqe dhe goditet lehtë fundi i vezës së kundërshtarit dhe e njëjta gjë përsëritet derisa njëra nga vezët të thyhet nga të dyja anët. Fituesi besojmë, e dini kush është, apo jo?
Çfarë fiton? Gjatë gjithë vitit do të ketë fat, dhe kjo është më se e mjaftueshme…
