Nëse s’je vetë frikacak, me siguri e ke ndonjë frikacak në familje, fis apo shoqëri. Edhe nëse nuk e ke përjetuar vetë, e merr me mend ndjesinë e frikës që kanë njerëzit kur hipin në avion.
Pvr Xhensilën, kjo ndjesi fillon ende pa u ngjitur, më saktë në shkallët e avionit! Këtë e ka treguar vetë me një video në InstaStory, që na bën të ndjejmë edhe dhembshuri por edhe të qeshim!
Teksa ngjitej në shkallët e avionit, këngëtarja lutej dhe bënte kryqin me dorën e saj, ndërsa mikesha që e filmonte qeshte prapa kamerës.
“Frikacakja ime”- i shkroi ajo krahas postimit, ndërsa Xhensila e ripostoi videon.
Në fakt, nuk është hera e parë që Xhensilën e shohim kaq frikacake. Ju kujtohen fragmentet kur Xhensilës i duhej të bënte një gjilpërë dhe Besi e filmonte fshehurazi? Me videot që bënë asokohe xhiron e rrjetit, qeshëm të gjithë, megjithëse kjo është një ndjesi të cilës nuk mund t’i shmangesh.
Këngëtarja mundohet që fragmente të ndryshme nga përditshmëria e saj t’i ndajë me ndjekësit në rrjete sociale. Sidomos me dritën e saj të syve, Ajkën, të cilën e quan “bashkëpunimin” më të bukur që ka bërë me partnerin e saj, Bes Kallakun.
