Adele po mbështet divën e popit Shakira pas ndarjes së saj nga Gerard Pique. Ajo ka reaguar pas intervistës së Shakirës në Jimmy Fallon, raporton ‘Usweekly‘.
“Oh, e pashë performancën e saj në Jimmy Fallon mbrëmë”- tha 34-vjeçarja gjatë koncertit të saj në Las Vegas, duke shtuar më tej: Ish-burri i saj është në telashe!’
Shakira, së bashku me Bizarrap ishin të ftuar në The Tonight Show Starring Jimmy Fallon. Pasi performuan duetin e tyre, “Bzrp Music Sessions, Vol. 53”, Shakira tha se kënga u kthye në një himn, pas periudhës së trazuar.
“Gjëja me këtë këngë është se ajo është bërë një himn për kaq shumë gra atje. Kam kaluar një vit shumë të vështirë pas ndarjes sime dhe shkrimi i kësaj kënge ka qenë kaq i rëndësishëm për mua,” tha këngëtarja.
Shakira dhe Pique të cilët kanë dy djem, Milan dhe Sasha njoftuan ndarjen e tyre në qershor 2022 pas një dekade së bashku.
