Çdo javë banorët e “Big Brother VIP” kanë për detyrë të bëjnë buxhetin javor për ushqimet dhe pijet që do të konsumojnë gjatë javës. Luizi këtë javë ka vendosur të mos marrë pjesë në buxhet dhe ta konsumojë atë që ka mbetur në shtëpi për t’i blerë një dhuratë Kiarës për ditëlindjen e saj, e cila është pas pak ditësh.
Për këtë plan ai vuri në djeni Amosin si liderin e shtëpisë dhe ai e pranoi pa e kundërshtuar. Por gjatë ditës së djeshme kur banorët po hartonin buxhetin e javës Tea vendosi të shtonte pjesën e Luizit në buxhetin e përgjithshëm për të gjithë banorët pa e vënë në djeni atë për këtë vendim.
Tea fillimisht e diskutoi këtë me Kiarën duke e pyetur nëse e donte dhuratën apo jo .
“Jo, çfarë dhuratë!” – Kiara
Por vetëm pak minuta më vonë Kiara ulet të flasë me të dhe i thotë se nuk do të përfshihet në këtë plan.
“Mendova për atë që më the, por jam në një pozitë vërtet të vështirë, do të ishte më mirë të mos më thoje asgjë, dua të jem jashtë kësaj pune” – Kiara
“Thjesht nuk do ta lë të na përdorë më se po na përdor të gjithëve, nuk po e lë pa ushqim, na vodhi cigare të gjithëve”– Tea për Luizin
Përmes Kiarës u vu në djeni edhe Armaldo për planin e Teas. “Maestro” shkoi dhe e njoftoi menjëherë Luizin për këtë, ai nuk reagoi aspak mirë duke i thënë se:
“I paralajmërova për dhuratën që do t’i bëj Kiarës dhe nëse e bëjnë këtë, do t’i marr të gjitha ushqimet dhe do t’i vendos në lavatriçe”- Luizi
Duket se kjo situatë do të sjellë shumë debate në shtëpi.
