Në Prishtinë u mbajt edicioni i 13-të i ndarjes së çmimeve, “Zhurma Video Music Awards”.
Artistë të njohur nga Kosova dhe jo vetëm, mbërritën në Sheshin 21 në kryeqytet. Këngëtarja Fjolla Morina ishte njëra prej tyre, e cila bëri një hyrje mjaft të veçantë në këtë spektakël.
Duke u frymëzuar nga dasma e Xhensilës, Fjolla mbërriti me karrocën e Hirushes në tapetin e kuq, në vend të ndonjë veture luksoze.
Veshur me një fustan rozë të fryrë, shoqëruar nga Rex i cili kishte zgjedhur të vishej me kostum të kaltër, Fjolla dukej si princesha që po zbriste nga karroca së bashku me princin e saj.
Fjolla në “Zhurma Video Music Awards 2017” ishte e nominuar në dy kategori, atë të “Best Female” dhe “Best RnB”, për këngën e saj “Vet ke mbet”, me çka pretendon të fitojë ndonjë nga çmimet.
Megjithatë çmimet arriti t’i rrëmbente Ardian Bujupi, i cili mori edhe çmimin e fansave, duke renditur 3 kupa.
E veçantë ishte edhe paraqitja e Big Mamës, e cila shfaqi elegancën e saj me një fustan argjendi.
Burimi: Iconstyle.al
