Presidenti i “Amazon”, njëkohësisht një nga njerëzit më të pasur në botë, Jeff Bezos ka hapur një fondacion të ri që lidhet me ndryshimet klimaterike.
Nëpërmjet një postimi në Instagram ai ka treguar se ka hapur fondin “Bezos Earth Found” dhe çdo fond që do të mbledhë do e përdorë për të gjetur shpëtim për planetin.
“Sot, unë jam i entuziasmuar të njoftoj se po filloj “Bezos Earth Found”.
Ndryshimi i klimës është kërcënimi më i madh për planetin tonë. Unë dua të punoj së bashku me të tjerët për të forcuar mënyrat e njohura dhe për të eksploruar mënyra të reja për të luftuar ndikimin shkatërrues të ndryshimeve klimatike në këtë planet që ne të gjithë ndajmë. Kjo iniciativë globale do të financojë shkencëtarë, aktivistë, dhe ofron një mundësi reale për të ndihmuar në ruajtjen dhe mbrojtjen e botës natyrore. Ne mund ta shpëtojmë Tokën”, shkruan Jeff Bezos.
Më pas ai shton se ka dhuruar 10 miliardë dollarë si fillim për këtë nismë.
“Unë jam duke angazhuar 10 miliardë dollarë si për fillim dhe do të filloj përdorimin e granteve këtë verë. Toka është e vetmja gjë që kemi të gjithë të përbashkët – le ta mbrojmë së bashku”, përfundon presidenti i “Amazon”.
