Imagjinoni sikur çdo qytet të Shqipërisë, çdo pikë turistike nga veriu në jug, monument kulture, hotel, apo restorant, të mund t’i eksploroni, t’i shihni dhe t’i prenotoni përmes një klikimi në celularin tuaj. E imagjinuat sa fantastike do të ishte?!
Tashmë kjo ëndërr është bërë realitet nëpërmjet një prej portaleve më unike shqiptare që quhet “Welcome Albania”. Portali ju mundëson udhëtime 360 gradë nëpër Shqipëri dhe komunikime në kohë reale me bizneset online.
Ky udhëtim virtual nëpër Shqipëri, është mundësuar nga një prej partnerëve më të mëdhenj të Google, Tourmake, i cili tashmë ka mbërritur në vendin tonë për të na ofruar një mundësi promovimi jo vetëm brenda por edhe jashtë kufijve.
Shqipëria ka shumë vende të bukura, që nuk janë eksploruar nga turistët e huaj, ndaj dhe “Welcome Albania” do të ofrojë mundësinë e promovimit të këtyre vendeve, duke prezantuar në mënyrë virtuale të gjitha qytetet turistike, hotelet, restorantet, baret, pikat e shërbimit dhe monumentet e kulturës të cilat kanë vlera të rralla në vendin tonë.
Ata që do të zgjedhin Shqipërinë për pushimet e tyre, do të arrijnë që përmes këtij shërbimi të shohin destinacione virtuale, të njohin bukuritë e Shqipërisë kudo, plazhet e saj, malet, lumenj e pika turistike që janë pjesë e Trashëgimisë Botërore të UNESCO-s.
Ku ta gjej dhe si funksionon
“Welcome Albania” tashmë është lancuar dhe mund të klikoni në http://www.welcomealbania.com për të eksploruar të gjithë Shqipërinë nga veriu në jug. Për ta pasur në celularin tuaj, nëse keni Android mund ta gjeni si aplikacion në Play Store, ndërsa për iOS, aplikacioni do të mundësohet brenda 2 ditëve në APP Store.
Mjafton të shkarkoni aplikacionin dhe te caktoni destinacionin tuaj të preferuar në Shqipëri. Më pas zgjidh qytetin për të parë nga afër pikat turistike, hotelet, restorantet, baret, pikat e shërbimit dhe monumentet e kulturës.
Çfarë ju pret?
Më shumë se 250 biznese janë bërë pjese e platformes “Welcome Albania”, pjese ekskluzive e Tourmake, pasi kërkesa për të qenë hightech në Shqipëri është kthyer në trend tashmë. Prenotime online, blerje, udhetime virtuale 360 gradë, dhe komunikim në kohë reale me shumë biznese si dhe përdorimi i syzeve virtuale.
Goonext Albania është përfaqesuesi zyrtar i kësaj teknologjie dhe i këtij shërbimi unik, i cili i kalon kufijtë e një turi të thjeshtë virtual.
A e di bota?
Qeveria shqiptare, Bashkia e Tiranës dhe Agjencia Kombëtare e Turizmit kanë mirpritur këtë platformë dhe menjëherë ka nisur edhe promovimi i “Welcome Albania”. Prezantimi i tij jashtë Shqiperisë është bërë nga kreu i bashkisë Erion Veliaj, i cili mundesoi takimin e parë të Shqipërisë virtuale me të interesuarit në Bruksel. Të pranishmit, përmes teknologjisë së syzeve virtuale, arritën të shohin Shqipërinë para syve. Këtij të moshuari iu bë “zemra mal” kur arriti të shohë Rrugën e Dibrës:
Në kuader te pjesemarrjes se vendit tonë në panairin e Brukselit, kreu i bashkise dhe ambasadorja e Shqiperisë ne BE, Suela Janina, promovuan aplikacionin e ri për të rritur mundesitë e turizmit në vendin tonë.
Shqiperia u prezantua në Ledwall, ku mjaft të huaj shfaqën interes për t’u njohur nga afër me bukuritë e vendit tonë.
Menjëherë pas lancimit të videos prezantuese, rreth 11 300 persona kanë treguar interes, prej të cilëve 54 përqind janë nga Tirana dhe pjesa tjetër nga Kina.
Si mund të bëhesh pjesë?
Përmes shkarkimit të aplikacionit ose vizitës në faqen e internetit http://www.welcomealbania.com ju mund të bëheni pjesë e kësaj nisme për të promovuar Shqipërinë. Këshillojani miqve tuaj brenda dhe jashtë vendit dhe shpërandajeni për të rritur mundësitë që vendi ynë të jetë një ndër top vendet më të vizituara në Ballkan nga turistët e huaj.
Goonext Albania dëshiron të krijojë dhe një mundësi të artë për të rinjtë që duan të jenë pjesë e kësaj platforme në dy sektorë : marketing dhe teknologji të cilët mund të katapultohen në zyrat qendrore të Tourmake në botë.
Mos harroni të eksploroni çdo cep të Shqipërisë! Navigim të mbarë!
Burimi: Iconstyle.al
