Dimri ka trokitur dhe zgjedhja më e mirë që mund të bësh për ta përballuar të ftohtin janë këto veshje stil, me ngjyra, të guximshme, por edhe shumë të ngrohta njëkohësisht.
Blogerja e njohur shqiptare Alba Hodo ka ndarë me ndjekësit e “Iconstyle.al” 3 veshjet dhe detajet më ‘in’ të sezonit që duhet t’i kemi me patjetër, nëse duam që të biem në sy dhe të jemi ngrohtë.
Pelush Teddy Bear
Thuaji dimrit “mirë se vjen” me pelushin Tedy Bear, me këtë look plot stil dhe të rehatshëm. Kjo pallto ka dy vite që është “in” dhe do të vazhdojë edhe këtë sezon të na mbajë ngrohtë dhe të na kënaqë.
Leather skirts
Lëkura ka qenë shumë e përdorur dhe e dëshiruar nga shtëpitë e modës dhe nga ndjekësit e tyre për gati dy shekuj. Veshjet e lëkurës nuk dalin kurrë nga moda. Alba Hodo propozon fundet e lëkurës, të cilët janë mjaft të thjeshtë për t’u kombinuar dhe përshtaten me çdo rast.
Çantat e vogla
Të vogla, praktike dhe lehtësisht të kombinueshme, çantat e vogla janë detaji më “must”. Ato bien lehtësisht në sy dhe nuk është nevoja që të marrësh 1000 gjëra me vete.
