Ardian Bujupi jetoi një histori të bukur dashurie me modelen Sabrine Khan. Zërat rreth një romance të mundshme mes saj dhe Ardianit filluan pas këngës së artistit shqiptar “Modela” që u publikua disa muaj më parë, ku Sabrine shfaqet si protagoniste. Pas klipit ata u panë shpesh së bashku e nuk i kursyen fotot krah njëri-tjetrit në rrjetet sociale. Jo vetëm kaq. Edhe në TikTok publikuan disa video mjaft të dyshimta, ku lihej të kuptohej se ndoshta edhe bashkëjetonin.
Megjithatë kjo lidhje e bukur, që të dy e jetuan para syve të publikut, nuk zgjati shumë. Ardiani dhe Sabrine ndanë rrugët e tyre disa muaj më parë dhe këtë gjë e konfirmoi vetë këngëtari teksa ishte i ftuar në emisionin “Shiko kush luan”. Por kjo nuk do të thotë se ata të dy nuk vazhdojnë të ruajnë marrëdhënien e mirë me njëri-tjetrin.
Sot, Ardiani feston ditëlindjen dhe mes urimeve të shumta që ka marrë nuk ka munguar as ai i modeles. Sabrine ka publikuar në Instagram një video të saj me këngën e fundit të Bujupit dhe përkrah saj shkroi: “Gëzuar ditëlindjen Ardi. Më në fund 30”. Videon e modeles e ka ripostuar edhe Ardiani në Instagram, i cili i ka shoqëruar me një emoji falenderues për urimin e ditëlindjes.
