Largimi drejt Zelandës së Re për të jetuar atje familjarisht dy vite më parë e më pas largimi i Big Basta-s drejt Shteteve të Bashkuara, ngjallën dyshime për ndarje mes çiftit të muzikantëve.
Gjithashtu, këtë vit Vesa Luma ka qëndruar për një kohë të gjatë në Prishtinë, çka riktheu dyshimet për ndarje mes prindërve të Liamit 3 vjeç.
Ribashkimi me familjen në maj u celebrua nga Vesa me një foto në Instagram me bashkëshortin, të cilin e komentoi:
“Më në fund”
Sot, Vesa Luma i propozoi publikisht Big Basta-s që të martohen prapë bashkë, meqë në foto duket e kuruar në look dhe e keni parasysh, momenti më i mirë për t’u rimartuar me dikë është kur ndihesh e bukur.
“A martohemi prapë?”, i shkruajti Vesa.
Çifti u martua në 2015-ën, në një ceremoni të veçantë në Kalanë e Sarandës.
Në maj të 2016-ës, erdhi në jetë fëmija i tyre i parë dhe deri më tani i vetëm, Liam.
Basta e dha lajmin përmes një postimi të ndier në Instagram.
“Sot, jo vetëm familja jote, por e gjithë bota gëzon, sepse një njeri i mirë erdhi në jetë! Princi jonë , shoku jonë, vëllai jone, DJALI JONË !”
