Mbrëmjen e djeshme, moderatorja e “Për’puthen”, Bora Zemani mungoi në studio për shkak të infektimit me Covid-19. Emisionin e hapi opinionisti Arjan Konomi, i cili lajmëroi se moderatorja ishte infektuar dhe nuk do të shfaqet për disa ditë në ekran. Por qëndrojmë te Konomi. Ky i fundit publikoi në Instagram, një fotografi të tijën së bashku me Borën, ku shkruante:
“Bora shërim sa më të shpejtë! Është hera e parë në jetë që do kisha dashur të më kishte zënë COVID dhe kolera për të pushuar disa ditë!”
Kështu, krejt natyrshëm njerëzit e lidhën përshkrimin e fotografisë me situatën Tea-Beart. Ditë pushimi nga trysnia e lajmeve dhe presioni publik?
Skandali i fotografive çift të të lartpërmendurve vuri në dyshim besueshmërinë përpos të emisionit edhe të vetë opinionistit, deri atëherë tepër i familjarizuar me masën e gjerë. Ky i fundit, mes emocionesh e lotësh, reagoi përmes një videoje në Instagram:
“Unë nuk kam pasur as dijeninë më të vogël, as dyshimin më mininal që mund të ekzistonte kjo e vërtetë, që ju keni marrë vesh këto ditë. Nëse kam pasur dyshime, kanë qenë dyshime për pëlqime, në momente të caktuara që tani i takojnë 3-4 muaj më parë. Por përveç atyre dyshimeve për pëlqim dhe një tërheqje reciproke, kam qenë totalisht në mungesë të plotë të çdo dijenie deri në momentin që do ishte Prime, kur Tea dhe Andi do largoheshin nga ai emision. Këtë e them me ndershmërinë më të madhe në radhë të parë tek ata që kanë besuar te fjala ime dhe personi im”.
