Tërmeti shkatërrues i 26 nëntorit ka lënë pasoja të mëdha në qytetin bregdetar të Durrësit.
Aty ku një muaj më parë lulëzonte jeta dhe kishte ende vizitorë, tani kanë mbetur gërmadha, njerëz me sy nga qielli dhe shpresë se e nesërmja do të jetë më e mirë.
Por le të shpresojmë qe e nesërmja do të jetë me të vërtetë më e mirë.
Qyteti është zbukuruar për festat e fundvitit dhe tani jeta thuajse ka rinisur.
Por nuk mjafton vetëm kaq, për ta rimëkëmbur qytetin duhet ndihma e të gjithëve ne.
Prandaj është ngritur edhe një nismë, e cila është shpresëdhënëse.
Në këtë nismë thuhet që të gjithë njerëzit që kanë në plan të bëjnë pushime, të mos largohen jashtë shtetit, por të kontribuojnë për qytetin e bukur bregdetar.
Sidomos gjatë periudhës së verës, ku qyteti çdo vit ka qenë i tejmbushur me turistë të shumtë nga jashtë dhe brenda vendit.
“Mos shkoni me pushime jashtë Shqipërisë! Ndihmoni bizneset e Durrësit të kalojnë këtë periudhë të vështirë! Mos e lini Durrësin ta mposhtë dhimbja dhe shkatërrimi! Është qyteti ku keni kaluar pushimet e verës, plot gaz e hare., është qyteti që ju ka përkundur mbi dallgët e detit, që ju ka falur mbrëmjet dhe perëndimet e bukura, është qyteti që pse pas shumë herë nëpër shekuj ka përfunduar nën rrënoja prap është ngritur.”
Kjo nismë është mbështetur edhe nga reperi Noizy, i cili ka publikuar shkrimin në Insastory. Gjatë kësaj kohe Noizy ka qenë pranë familjeve të prekura nga tëtmetet dhe duke dhënë edhe ndihmën e tij.
