Para pak ditësh Shqipja publikoi një foto, me anë të të cilës pretendonte se lidhja e vërtetë në “Për’puthen” ishte ajo mes Beartit dhe Teas. Ish-konkurrentja publikoi një foto, në të cilën Tea shihej e veshur me një bluzë të njëjtë si të Beartit dhe shkruante: “Tea, shkove ti në Kosovë e more bluzën? Apo erdhën ta sollën këtu? Dhe ti e di miiiirë për kë dhe çfarë bëhet fjalë. Dhe mos u argumentoni me fjalë të kota gjasme e dinit për voice-n që unë do hidhja, sepse unë nxjerr dhe materiale që s’jua merr mendja kurrë që unë i kam, apo jo Andi?”.
Ndërkohë Tea dhe Andi nuk reaguan në lidhje me këto deklarata të Shqipes, por thjesht zgjodhën të dilnin bashkë si çift nga “Për’puthen” të dielën që lamë pas.
Mirëpo Shqipja nuk është ndalur me kaq dhe sot ka postuar një tjetër foto për të vërtetua lidhjen mes Bearit dhe Teas. Disa ndjekës i kanë dërguar mesazhe Shqipes se i kanë parë bashkë dy ish-konkurrentët në Bogë, një vend turistik në Kosovë. Shqipja ju ka kërkuar foto dhe ata ja kanë dërguar, në të cilën shihet Tea dhe Bearti të kapur dorë për dore me njëri-tjetrin.
Ndërkohë në postim ajo përmend edhe Fationin, duke i thënë se ai kishte të drejtë kur shprehej se të gjithë janë bërë dashnor me njëri-tjetrin brenda në emision. Madje Shqipja ngre akuza se Andi, që doli nga emisioni me Tean, në të vërtetë është në një lidhje me Melisën.
“Çifti i parë që u përputh jashtë emisionit. Andi e ka lënë në emision o Fatioon Kuqari, se vërtetë ta hodhi fundin ty, por shigjeta ishte diku tjetër. E the mirë janë bërë dashnor me njëri-tjetrin. Faleminderit që jeni tallur me të gjithë ne.. unë kam fol gjithmonë me fakte, por çfarë të bëjmë që kanë njerëz sipër tyre që i mbulojnë”, shkruan Shqipja.
